ރ.މަޑުއްވަރި ތްރީ އޮން ތްރީ ސްޓްރީޓް ސޮކަރ މުބާރާރުގެ ޗެމްޕިއަންކަން ‘ޑޮޓް’ ހޯދައިފިއެވެ. އެޓީމް ޗެމްޕިއަންކަން ހޯދީ ފައިނަލްގައި 7-4 ން ދިހަރެޔާ ބަލިކޮށްގެންވެ.
އަށް ޓީމާއެކު މަޑުއްވަރީގައި ކުރިއަށްގެންދިޔަ މުބާރާތުގެ މޮޅު ކުޅުންތެރިއަކީ ޑޮޓްގެ އަހުމަދު ނާހީ އެވެ. ފައިނަލް މެޗުގެ މޮޅު ކުޅުންތެރިއަކީވެސް އޭނާއެވެ. މުބާރާތުގެ އެންމެ މޮޅު ތިން ކުޅުންތެރިންގެ ތެރޭގައި ނާހީއާއެކު ދެން ހިމެނުނީ 19 ލަނޑާއެކު ރަންބޫޓް ހޯދި 313 ސްޕޯރޓްސް ކްލަބްގެ ހުސައިން އަސްވަދު އަލީ އާއި ދިހަރެޔާގެ އަހުމަދު މިގުދާދު އެވެ.
މުބާރާތުގެ އެންމެ އުއްމީދީ ކުޅުންތެރިއަކީ ޔުނިކް ސްޕޯރޓްސް ކްލަބްގެ އަބްދުالله ޒަޔާން ބިން މުޙައްމަދު ލަތީފެވެ. މުބާރާތުގެ ޗެމްޕިއަން ޓީމަށް 10,000 އަދި ރަނަރަޕް ޓީމަށް 5,000 ރުފިޔާ ވަނީ ދީފައެވެ.
މިއީ މަޑުއްވަރީގެ ތިން ޒުވާނުންގެ އިސްނެގުމަށް ބޭއްވި މުބާރާތެކެވެ. އެކަމަކު މުބާރާތް ކުރިއަށް ގެންދިޔައީ މަޑުއްވަރީގެ ގިނަ ބައެއްގެ ޚާއްޞަކޮށް, ޒުވާނުންގެ ބައިވެރިވުމާއި އެހީތެރިކަން ވަރަށް ބޮޑަށް ލިބިގެންނެވެ. އޭގެތެރޭގައި ޑައިނަމިކްސް އާއި ކްލިކް ލައިވް އާއި އިވެންޓް ޒޯން ހިމެނެއެވެ.
ސައުންޑާއި ލައިޓިންގ އަދި ސްޓޭޖް ވަރަށް ފުރިހަމައަށް ތައްޔާރުކޮށްގެން ކުރިއަށް ގެންދިޔަ މުބާރާތް ފާހަގަކުރެވުނީ ‘ކޮލިޓީ’ މުބާރާތެއްގެ ގޮތުގައެވެ.
