ރާއްޖެ އެތުރުފައި އޮތް ގޮތުން ބ.އަތޮޅު ހިމެނެނީ ރީތި އަތޮޅެއްގެ ގޮތުގައެވެ. މާލެއާ މާދުރު ނޫން ހިސާބެއްގައި އޮތް ބ.އަތޮޅުގެ ގޮއިދޫއަށް ލޯންޗްގައި ދެގަޑިއިރުން ދެވޭނެއެވެ. އެދެވުނީ ހަމައެކަނި ގޮއިދޫ އަކަށް ނޫނެވެ.
ގޮއިދޫ އަށް ދެވިއްޖެނަމަ ހަގީގަތުގައި އެދެވުނީ ގޮއިފުޅަފެހެންދޫ އަށެވެ. ގޮއިދޫއާއި ފެހެންދޫ އާއި ފުޅަދޫ އަށެވެ. އެތިން ރަށުގެ މެދުގައި އޮތީ ކުރު ރާސްތާއެއްގެ ދަތުރެކެވެ. ފެހެންދޫއާއި ފުޅަދޫ އެއޮތީ އެއް ފަޅެއްގެ ތެރޭގައެވެ.
އެމްޓީސީސީގެ އަތޮޅު ފެރީގައި ގޮއިދޫން ފެހެންދޫ އަށް އަދި ފުޅަދުއަށް ހެނދުނު ގޮސް އިރުއޮއްސުމުގެ ކުރިން އެނބުރި އާދެވޭނެއެވެ. ގޮއޮދޫން އަތޮޅު ފެރީ ދަތުރު ފަށަނީ ހެނދުނު 07:00 ގައެވެ. އެދަތުރުގައި ފުރަތަމަ ޖައްސާނީ ޖެހިގެން އޮތް ފެހެންދޫ އަށެވެ. އެއީ 10 މިނިޓްގެ ދަތުރެކެވެ. ފެހެންދޫން ފުޅަދުއަށް ދިއުމަށްވެސް ހޭދަވާނީ އެހާ ވަގުތެވެ. ފެހެންދޫއަށް މަޑުކޮށް, ފުޅަދޫ އަށް ފޯރީ 7:30 ގައެވެ. ގޮއިދޫން ފުޅަދުއަށް ދިއުމަށް ފެރީ ޓިކެޓް އަގަކީ ކޮޅަކަށް 20 ރުފިޔާ އެވެ.
ދަތުރު ކުރުކޮށްލަން ބޭނުންނަމަ އޮތީ ޑިންގީއެއްގައި އެނބުރި އައުމެވެ. ފަސޭހައިން ޑިންގީ ލިބުމާއި, ޢާއްމުކޮށްވެސް ޑިންގީ ދަތުރުތައް ކުރާތީ އެއީ އުނދަގޫ ކަމެއް ނޫނެވެ. ގޮއިދޫ އާއި ފުޅަދޫ އާ ދެމެދު ޑިންގީ ދަތުރެއްގެ އަގަކީ 400 ރުފިޔާ އެވެ. ފުޅަދޫއާއި ފެހެންދޫއާ ދެމެދު އޮންނަ ސަރަހައްދަކީވެސް ވަރަށް ހިތްގައިމު ސަރަހައްދެކެވެ. ރީތި މޫދެކެވެ. ޑިންގީގައި ދަތުރުކޮށްލާއިރު ކުރެވެނީ އުފާވެރި އިހުސާސެކެވެ. ފެރީއަށްވުރެ ޑިންގީ ދަތުރު ފައްކަލެވެ.
ޗުއްޓީއަކަށް ޒިޔާރަތްކޮށްލަން މިއީ ވަރަށް އެކަށޭނަ ސަރަހައްދެކެވެ. އަގުބޮޑު ގެސްޓްހައުސް ތަކާއި, އަގުހެޔޮ ކޮޓަރިވެސް ލިބެންހުރި ދަތުރުފަތުރު ފަސޭހަ ސަރަހައްދެކެވެ. އެހީއަކަށް ވީކަމަށް އުއްމީދު ކުރަމެވެ.
އެހީއަކަށް ވީކަމަށް އުއްމީދު ކުރަމެވެ.
ދަތުރު ކުރަން ޝައުގުވެރި މީހުންނަށް
މިހެން ލިޔެލިނަމަ ފުރިހަމަވީސް