ހިއުންޑާއީ ގޯލްޑަން ފުޓްސަލް ޗެލެންޖްގެ ގދ.އަތޮޅުގެ ތަށި ވާދޫން ދިފާއުކޮށްފިއެވެ. ވާދޫން ތަށި ދިފާއުކުރީ ފައިނަލްގައި ފަހަތުން އަރާ 6-4 ން ހޯޑެއްދޫ ބަލިކޮށްގެންނެވެ. މިއީ ވާދޫ ވިދިވިދިގެން ގދ.އަތޮޅު ތަށި ހޯދި 5 ވަނަ ފަހަރެވެ.
ފައިނަލް މެޗުގައި ފުރަތަމަ ދެ ގޯލް ޖަހާ ލީޑް ނެގީ ހޯޑެއްދޫންނެވެ. 2-1 ން ނިމުނު ފުރަތަމަ ހާފަށްފަހު ދެވަނަ ހާފް ފެށުމާއެކު ވާދޫން ނަތީޖާ އަނބުރާލިއެވެ. މެޗުގައި ހޯޑެއްދޫގެ މުޙައްމަދު ލުފާފް އަދި އިސްމާއީލް މަމްދޫހު ކޮންމެ ކުޅުންތެރިއަކު ދެ ލަނޑު ޖެހިއެވެ.
ވާދޫން ޖެހި ހަ ލަނޑުގެ ތެރެއިން މުޙައްމަދު ނާއިލް ދެ ލަނޑު އަދި އަޔާޒު އަހުމަދު ދެ ލަނޑު ޖެހިއެވެ. ވާދޫއަށް ދެން ލަނޑު ޖަހައިދިނީ ޔަޒްދާން އިބްރާހީމް އާއި މުސައްނިފް މުޙައްމަދެވެ. ފައިނަލް މެޗުގެ މޮޅު ކުޅުންތެރިއަކީ ވާދޫގެ އަޔާއެވެ. ގދ.އަތޮޅުގެ އެންމެ މޮޅު ކުޅުންތެރިއަކީ ވާދޫގެ މުސައްނިފެވެ. އަދި ޓޮޕް ސްކޯރަރ އަށް ދޭ ޓްރޮފީވެސް ހޯދީ އޭނާއެވެ.
