ގެމަނަފުށްޓާއި ކަނޑުހުޅުދޫއާ ދެމެދު އޮންނަ ރެހާ ފަޅުތެރެއަކީ ގުދުރަތީ މުއްސަނދި ކަމުގެ އަޖައިބެކެވެ. އެސަރަހައްދުގައި 16 ފަޅުރަށް އޮވެއެވެ. ފަޅުތެރެއިން ދަުރުކޮށް ގެމަނަފުށިން ކަނޑުހުޅުދޫއަށް ކޮށްލާ ޑިންގީ ދަތުރަކީ އެފަދަ ދެވަނަ ދަތުރަކަށް އެދެވޭނެފަދަ ހިތްގައިމު އުފާވެރިކަމެއް އިހުސާސްކުރެވޭނެ ދަތުރެކެވެ. ކުލަކުލައިގެ މޫދާއި, އެކިވަރުގެ ފަޅު ރަށްތަކެވެ. ތުނޑި ތަކާއި, ފަޅު ތަކެވެ. އެހިތްގައިމުކަން އިހުސާސްކުރެވޭނީ އެސަހައްދަށް ދަތުރެއްކޮށްލައިގެންނެވެ.
