އިތާ އިންޓަރ ރިސޯރޓް ވޮލީބޯޅަ މުބާރާތުގެ ދެވަނަ މެޗު ވާދަވެރި ކުޅުމަކަށްފަހު ރީތިފަރު ރިސޯރޓުން ކާމިޔާބުކޮށްފިއެވެ. ގްރޫޕް ބީގެ ފުރަތަމަ މެޗު ރީތުފަރު ރިސޯރޓުން ކާމިޔާބުކުރީ ފާރުފުށި ރިސޯރޓް އެންޑް ސްޕާއާ ވާދަކޮށް 3-2 ސެޓުން ކުރި ހޯދައިގެންނެވެ.
މެދިގު ދެމިގެންދިޔަ މެޗުގެ ފުރަތަމަ ސެޓް ރީތިދަރުން ގެންދިޔައީ 26-24 ނެވެ. އެކަމަކު ޖެހިގެން އައި ދެސެޓް ފާރުފުށިން ކާމިޔާބުކުރުމުން މެޗު ވަރަށް ބޮޑަށް ވާދަވެރި ވިއެވެ. ދެވަނަ ސެޓް ފާރުފުށިން ގެންދިޔައީ 25-17 ނެވެ. އަދި ތިންވަނަ ސެޓް 25-21 ނެވެ. ރީތުފަރުން މެޗު ކާމިޔާބުކުރީ ހަތަރު ވަނަ ސެޓް ވަރަށް ވާދަވެރިކޮށް, ދިގުދެމިގެން ދިއުމަށްފަހު 30-28 ން ހޯދާ ފަސް ސެޓަށް މެޗު ދަންމާލައިގެންނެވެ. ފަހު ސެޓް ރީތިފަރުން ގެންދިޔައީ 15-12 ނެވެ. މެޗުގެ މޮޅު ކުޅުންތެރިއަކީ ރީތިފަރުގެ ސަންދޭޝް ރާއި އެވެ.
ރ.މީދޫ އެކުވެރި ކްލަބުން އެއަތޮޅުގެ ރިސޯރޓްތަކަށް ހުޅުވާލައިގެން މީދޫގައި ކުރިއަށްގެންދާ މުބާރާތެކެވެ. މުބާރާތުގައި ރ.އަތޮޅުގެ 8 ރިސޯރޓަކުން ވާދަކުރެއެވެ.
