ސްކޭޓް ކުރުމުގައި ބ.ގޮއިދޫ ފަހަތަށް ޖައްސާލެވޭނެ ދެވަނަ ރަށެއް ނެތެވެ. ޔޫކޭޖީން ފެށިގެން ދަރިވަރުން އެހުނަރު ދަސްކުރަން ފަށައެވެ. އުމުރުން 13 އަހަރު ފުރޭއިރު އެއީ އެއަށްވުރެ ކުޑަކުދިންނަށް އެހުނަރު ދަކޮށްދޭ މޮޅު ކޯޗެކެވެ. ސްކޭޓް ކުރުމުގައި ދެޖިންސްގެ ކުދިންގެ މެދުގައި ތަފާތެއް ނެތެވެ. ގޮއިދޫ ސްކޭޓް ޕާރކުން ފެންނަނީ ހުނަރާއި, ޝައުޤުވެރިކަމެވެ. ދުރުގައި ބަލާލަން ހުންނަ މީހަކަށްވެސް ލިބޭނީ ހިތްހަމަޖެހުމެވެ.
